തെരുവുനാടകം

ലഹരി വിരുദ്ധ ദിനാചരണത്തിന്റെ  ഭാഗമായി ബി. എസി. സൈക്കോളജി, സോഷ്യൽ വർക്ക് വിഭാഗവും  സംയുക്തമായി തെരുവുനാടകം  സംഘടിപ്പിച്ചു.

ഫീൽഡ് വിസിറ്റിന്റെ ഭാഗമായി നവജ്യോതി കോളേജ് ബിഎസ്സി സൈക്കോളജി വിഭാഗം അധ്യാപകരും വിദ്യാർത്ഥികളും മണിപ്പാൽ അനാട്ടമി ആൻഡ് പാത്തോളജി മ്യുസിയം സന്ദർശിച്ചു .

വിദ്യാഭ്യാസ മേഖലയ്ക്ക് തുടക്കം കുറിച്ച് നവജ്യോതി കോളേജിൽ അത്യാധുനിക സൗകര്യങ്ങളോടു കൂടിയ പുതിയ സൈക്കോളജി ലാബ് ഉദ്ഘാടനം നടത്തി . മാനസികാരോഗ്യ പഠനത്തിനും പ്രായോഗിക പരിശീലനത്തിനും പുതിയ സാധ്യതകൾ തുറക്കുന്നതാണ് ഈ ലാബ് . പ്രശസ്ത മന:ശാസ്ത്ര  വിദഗ്ധനും   ഫാമിലി കൗൺസിലറുമായ റവ.ഫാ.മാത്യു അക്കുട്ട്  ലാബിന്റെ പ്രവർത്തനം ഉദ്ഘാടനം നടത്തി. കോളേജ് പ്രിൻസിപ്പൾ ഡോ.കെ.കെ സോമശേഖരൻ, ഡയറക്ടർ ഫാ.സിജോയി പോൾ, മാനേജർ ഫാ. ജോസഫ് ചാത്തനാട്ട് എന്നിവർ ആശംസകളറിയിച്ചു സംസാരിച്ചു. മന:ശാസ്ത്ര പഠനങ്ങൾക്കും, പരീക്ഷണങ്ങൾക്കും ഉപയോഗപ്രദമായ പുതിയ സാങ്കേതിക വിദ്യകളാണ് ഈ ലാബിൽ ഒരുക്കിയിട്ടുള്ളത്. ഡിപ്പാർട്ട്മെൻറ് മോധാവി ഫാ.ബിനോയി വാഴയിൽ കോ ഓർഡിനേറ്റേഴ്സ് വിസ്മയ മരിയ, ജെയ്മി ജോൺസൺ പരിപാടികൾക്ക് നേതൃത്വം നൽകി.

നവജ്യോതി കോളേജിൽ പ്രവർത്തിക്കുന്ന കൗൺസിലിംഗ് സെല്ലിന്റെ നേതൃത്വത്തിൽ ലോക മാനസികാരോഗ്യദിനാചരണം നടത്തി. മാസസികാരോഗ്യത്തിന്റെ പ്രാധാന്യത്തെക്കുറിച്ചും എങ്ങനെ ഒരു വ്യക്തിക്ക് മാനസികാരോഗ്യത്തോടെ ജീവിക്കാൻ സാധിക്കും എന്ന് ആശംസപ്രസംഗത്തിലൂടെ പ്രിൻസിപ്പൽ   ഡോ. കെ.കെ സോമശേഖരൻ, ഡയറക്ടർ ഫാ.സിജോയി പോൾ കുട്ടികളെ ഉദ്ബോധിപ്പിച്ചു. തുടർന്ന് ബി.എസ്.ഡബ്ലൂ വിദ്യാർത്ഥികളുടെ നേത്യത്വത്തിൽ മാനസികാരോഗ്യം കാത്തുസൂക്ഷിക്കേണ്ട ആവശ്യകത ഉൾക്കൊള്ളുന്ന മൈം, ഫ്ലാഷ് മോമ്പ്,  അവതരിപ്പിച്ചു. ഡിപ്പാർട്ട്മെൻറ്റ് മേധാവി ഫാ.ബിനോയി വാഴയിൽ കോർഡിനേറ്റേഴ്സായ ജെയ്മി ജോൺസൺ, വിസ്മയ മരിയ പ്രോഗ്രാമുകൾക്ക് നേതൃത്വം നൽകി.

കോളേജിലെ  ബാച്‌ലർ ഓഫ് സോഷ്യൽ വർക്ക്, സൈക്കോളജി  വിഭാഗം  വിദ്യാർത്ഥികൾ പെരിങ്ങോം മാക്സ് മൈൻഡ് റീഹാബിലിറ്റേഷൻ സെന്റർ  സന്ദർശിച്ചു .

ഡോക്ടഴ്സ് ഡേയോടനുബന്ധിച്ചു കോളേജിലെ സോഷ്യൽ വർക്ക് , സൈക്കോളജി വിഭാഗം കുട്ടികളും അധ്യാപകരും പുളിങ്ങോം പ്രാഥമിക ആരോഗ്യ കേന്ദ്രത്തിലെ ഡോക്ടർമാരെ ആദരിക്കൽ ചടങ്ങു നടത്തി. ചടങ്ങിൽ കോളേജ് മാനേജർ ഫാ. ഡോ . ജിനേഷ് സിറിയക് ഡോക്ടർമാരെ പൊന്നാട അണിയിച്ചു. സോഷ്യൽ വർക്ക് ,സൈക്കോളജി വിഭാഗം മേധാവി ഫാ . ബിനോയി വാഴയിൽ, വിദ്യാർത്ഥി പ്രതിനിധി തോമസ് പി.ജെ തുടങ്ങിയവർ സംസാരിച്ചു.

    കോളേജിലെ മനഃശാസ്ത്ര വിഭാഗത്തിന്റെ നേതൃത്വത്തിൽ ബി.എസ്‌സി. സൈക്കോളജി വിദ്യാർത്ഥികൾ ‘സ്വയംപരിചരണ ദിനം’ആചരിച്ചു. ‘Be Kind to Your Mind’എന്ന സന്ദേശമുയർത്തി സംഘടിപ്പിച്ച പരിപാടി  കന്നിക്കളത്തെ Archangels School-ൽ വച്ചു നടന്നു.സ്വന്തം മാനസികവും വൈകാരികവും ശാരീരികവുമായ ക്ഷേമത്തിന് പ്രാധാന്യം നൽകേണ്ടതിന്റെ ആവശ്യകതയെക്കുറിച്ച് പൊതുജനങ്ങളിൽ അവബോധം സൃഷ്ടിക്കുക എന്നതായിരുന്നു പരിപാടിയുടെ പ്രധാന ലക്ഷ്യം.

         സ്വയംപരിചരണത്തിന്റെ സന്ദേശം കൂടുതൽ ലളിതവും ആകർഷകവുമായി ജനങ്ങളിലെത്തിക്കുന്നതിനായി നാടകാവതരണവും പരിപാടിയുടെ ഭാഗമായി സംഘടിപ്പിച്ചു. സ്വയം സ്നേഹിക്കുകയും സ്വന്തം മാനസികാരോഗ്യത്തിന് മുൻഗണന നൽകുകയും ചെയ്യുന്നത് സ്വാർത്ഥതയല്ലെന്നും മറിച്ച് ആരോഗ്യകരമായ ജീവിതത്തിന്റെ അനിവാര്യ ഘടകമാണെന്നും നാടകത്തിലൂടെ അവതരിപ്പിച്ചു.